Oxu.az
Mayın 2-dən 4-dək Düşənbədə (Tacikistan) keçiriləcək "Böyük Dəbilqə" turniri üçün cüdo üzrə Azərbaycan milli komandasının ilkin siyahısı açıqlanıb.
Oxu.Az xəbər verir ki, kişilər kateqoriyasında keçiriləcək yarışda səkkiz Azərbaycan idmançısı iştirak edəcək.
Komandanın heyətində Balabəy Ağayev (60 kq), Yaşar Nəcəfov (66 kq), Vüsal Qələndərzadə (73 kq), Süleyman Şükürov (81 kq), Elcan Hacıyev və Vüqar Talıbov (hər ikisi - 90 kq), Camal Qəmzətxanov və Kənan Nəsibov (hər ikisi - +100 kq) mübarizə aparacaq.
