Report.az
Təəssüf ki, çempionluq şansını itirmişik.
Bunu "Report"a açıqlamasında "Bakı" komandasının həndbolçusu Teymur Axundov deyib.
O, "Kür"ə uduzmaqla işlərini çətinləşdirdiklərini bildirib:
"Ötən tur "Kür" komandasına uduzmaqla vəziyyəti çətinləşdirdik. Eyni zamanda, daha öncə "Qarabağ"a məğlubiyyət də bunda rol oynadı. "Qarabağ"a öz məsuliyyətsizliyimiz üzündən uduzduq. Halbuki, həmin qarşılaşmaya ciddi hazırlaşmışdıq. Amma məşqçinin tapşırıqlarını lazımi səviyyədə yerinə yetirə bilmədik. Nəticədə çempionluqdan əlimiz üzüldü. İndi yalnız ikinci yer uğrunda mübarizə apara bilərik".
