Report.az
Ötən il karyeram üçün yaddaqalan oldu.
"Report" xəbər verir ki, bunu kişilər arasında kamandan oxatma üzrə Azərbaycan çempionatının qalibi olan Məhəmmədəli Əliyev deyib.
O, yarışın çətin mübarizə şəraitində keçdiyini söyləyib:
"Məni dəstəkləyən, qalib olmağım üçün dəstəyini əsirgəməyən hər kəsə təşəkkürümü bildirirəm. Ötən il mənim üçün yaddaqalan oldu. Bu yarışda öz rekordumu yenilədim və qızıl medala sahib çıxdım. Final görüşü düşündüyüm kimi keçdi. Hər şey nəzarətim altında idi".
Qeyd edək ki, 3 gün davam edən turnirdə Azərbaycanın müxtəlif bölgələrini təmsil edən 60-a yaxın idmançı mübarizə aparıb. Kişi və qadın oxatanlar örtülü salonda üç yaş kateqoriyası (16 yaşa qədər yeniyetmələr, 16-18 yaşlı gənclər və böyüklər) üzrə hədəfi 18 metrdən nişan alıblar.
