AAF
Bakıdakı FIA həftəsi çərçivəsində Azərbaycan Avtomobil Federasiyası və Bakı Şəhər Halqası dekabrın 7-də qonaqlar üçün caz-fusion gecəsi (Jazz Fusion Night) təşkil edib.
Gecənin aparıcısı Fuad Axundov avtomobillər, memarlıq və caz sənətində mədəniyyətlərin sintezindən bəhs edib. Paytaxtımızda təşkil olunan Formula 1 Azərbaycan Qran Pri yarışı barədə təqdimat olub.
Daha sonra FIA qonaqlarını "H3 Collective" caz qrupu salamlayıb. Musiqiçilərin ifasında caz-fank aranjımanında məşhur Azərbaycan əsərləri səslənib. Gecədə tanınmış caz ifaçıları - əməkdar artistlər Rain Sultanov, Emil Əfrasiyab çıxış ediblər. Gecəni DJ Kenan Drums hipnotik şou ilə davam etdirib.
