Bakıda keçirilən atıcılıq üzrə Dünya kuboku davam edir.
İdman.biz xəbər verir ki, Azərbaycan yığması yarışda iştirakını başa vurub.
Bu gün ölkəmizin son təmsilçiləri hədəf önünə keçiblər. Kişilərin üç vəziyyətdə 50 m məsafədən atəş açma yarışında iki snayperimiz təsnifat mərhələsində mübarizə aparıb.
Ruslan Qəhrəmanov 560 xalla 63-cü yeri tutub. 6 xal geri qalan Əliməmməd Hüseynov 64-cü olub.
Qeyd edək ki, təsnifatda mübarizə aparan 64 atıcıdan 8-i final mərhələsinə yüksəlib.
İdman.biz