Idman.biz
"Komandamız iki il öncədən bu yarışa ciddi hazırlaşmışdı".
Bu sözləri İdman.Biz-ə açıqlamasında Azərbaycan Bodibildinq və Fitnes Federasiyasının vitse-prezidenti Azər Məhərrəmov deyib.
O bildirib ki, milli komanda dünya çempionatına əvvəlcədən tam hazır vəziyyətdə yollanıb və uğurlu nəticələr qazanıb:
"Artıq bir neçə medalımız var və inanıram ki, daha artığı da gələcək. Mən özüm Avropa və dünya çempionu olmuşam, indi isə məqsədimiz bu uğuru yenidən Azərbaycana qazandırmaqdır. Hazırda finaldayam, inşallah, bir və ya iki medal qazanacağıq".
Məhərrəmov sonda vurğulayıb ki, federasiyanın qarşısına qoyduğu əsas məqsəd - Azərbaycan idmançılarının beynəlxalq arenada daha çox uğur qazanmasıdır.
Vüqar Vüqarlı
