Report.az
Milli üzvlərindən Slovakiyada keçirilən Dünya Kubokunun final mərhələsinə vəsiqə qazanmalarını gözləyirdik.
Bunu "Report"a açıqlamasında Azərbaycan Qış İdmanı Növləri Federasiyasının (AQİNF) baş katibi Günel Bədəlova deyib.
O, xizək alpinizmi millisinin üzvləri Nəbiyulla Qələbəgiyev və Ramin Beybutovun Slovakiyada keçirilən yeniyetmələr arasında Dünya Kubokundakı çıxışını dəyərləndirib:
"Milli üzvlərindən yarışın final mərhələsinə vəsiqə qazanmalarını gözləyirdik. Onların bunun üçün potensialı var. Nəbiyulla yarımfinala qədər irəliləsə də, finala yüksələ bilmədi. Buna baxmayaraq, hər iki idmançı reytinq siyahısında yüksək yer tutur. Hər yarışdan sonra inkişaf görürük. Ümidvaram ki, qarşıdan gələn dünya çempionatında nəticələr daha da yüksək olacaq".
AQİNF rəsmisi dünya çempionatına qədər idmançıların heç bir yarışda iştirakının nəzərdə tutulmadığını əlavə edib:
"Dünya çempionatı martın 2-9-u aralığında İsveçrədə keçiriləcək. Onların mundiala qədər heç bir yarışda iştirakı nəzərdə tutulmayıb".
Qeyd edək ki, Dünya Kubokunda N.Qələbəgiyev 9-cu, R.Beybutov isə 15-ci yeri tutub.
Sportnews.az — idman dünyasında baş verən əsas hadisələrə həsr olunmuş aparıcı idman portalıdır. Biz hər gün ən son xəbərləri, oyun nəticələrini, müsahibələri, analizləri və proqnozları təqdim edirik.
Saytımızda siz tapa bilərsiniz:
Futbol: yerli və beynəlxalq liqalar, xüsusi diqqət — "Qarabağ" FK
Tennis, şahmat, gimnastika, voleybol, basketbol
Döyüş növləri: boks, güləş, cüdo
Formula 1 və Olimpiya Oyunları
Eləcə də diqqətəlayiq digər idman növləri
Biz azərbaycanlı idmançıların uğurlarını izləyirik, mühüm turnirləri işıqlandırırıq, yığmaların hazırlığı və fərdi nailiyyətlər barədə məlumat veririk. Bütün materiallar faktlara, ekspert şərhlərinə və keyfiyyətli təqdimata əsaslanır.
Niyə məhz Sportnews.az:
Yalnız aktual və etibarlı xəbərlər
Azərbaycan və dünya idmanının tam əhatəsi
Rahat struktur, müntəzəm yenilənmələr, obyektiv baxış
Əsas idman xəbərlərindən xəbərdar olmaq üçün bizimlə qalın.
Sportnews.az — burada idman ucadan danışır.
