Idman.biz
Amerikalı senatorlar Elizabet Uorren və Riçard Blumental ABŞ Maliyyə Nazirliyinə məktub göndərərək, "Electronic Arts" videooyun şirkətinin Səudiyyə Ərəbistanı hökumətinə satılmasından narahat olduqlarını bildiriblər.
Məktubda deyilir ki, senatorlar sövdələşmənin araşdırılmasını tələb edirlər. Onlar hesab edirlər ki, "EA"nın alınması Səudiyyə Ərəbistanının ABŞ-dakı təsirini artıra bilər.
"Amerikanın "Electronic Arts" videooyun şirkətinin alınmasının yaratdığı xarici təsir və milli təhlükəsizlik riskləri ilə bağlı dərin narahatlığımızı bildiririk. Biz sizi və komitəni Amerikanın böyük texnologiya və əyləncə şirkətinin bu misli görünməmiş xaricə satışı ilə bağlı hərtərəfli araşdırma aparmağa çağırırıq", - məktubda deyilir.
Sentyabr ayında "EA"nın Səudiyyə Ərəbistanı hökuməti ilə müqaviləsi barədə elan edilib. Müqavilə rekord 55 milyard dollarlıq məbləğdədir. Səudiyyə hökuməti və onun tərəfdaşları "EA Sports FC" (keçmiş FIFA) futbol simulyatoru, həmçinin "Battlefield", "Need for Speed", "The Sims, "Mass Effect", "Dragon Age" və digər məşhur video oyun seriyalarının hüquqlarını əldə edəcəklər.
