Lent.az
Tom Kinq zərbə endirməyə hazırlaşarkən külək meydanda sanki fit çalırdı. Bundan sonra baş verənlər onun adını futbol tarixinə əbədi həkk edib.
Lent.az-ın xarici KİV-ə istinadla xəbərinə görə, "Nyuport"un qapıçısı öz cərimə meydançasından topu birbaşa "Çeltenhem"in qapısına göndərib.
Mərmi 96,01 metrlik məsafə qət edib - futbol tarində əvvəllər belə bir şey görülməyib.
Rekord sayılacaq qol İngiltərənin dördüncü divizionunda keçirilən oyunda qeydə alınıb.
Əvvəllər ən uzun ötürməni 2013-cü ildə "Sauthempton"un qapısına 91,9 metrdən vuran bosniyalı Asmir Beqoviç hesab edilib.
O anın şahidləri heyrətdən donub qalıblar: top sanki gözəgörünməz qüvvə tərəfindən idarə olunaraq meydançanın yarısını keçərək qapı xəttinin qabağına sıçrayaraq çarpaz tirin altından uçub.
Tom özü sonradan etiraf edib ki, nə baş verdiyini belə dərhal dərk etməyib - o, sadəcə olaraq qapıçı meydançasından standart zərbə yerinə yetirib.
Hətta futboldan uzaq olanlar da inanılmaz məqamdan danışmağa başlayıblar.
Bu, dördüncü divizion üçün onların təvazökar stadionlarının hüdudlarından kənara çıxan nadir bir şöhrət olub.
Oyun 1:1 hesablı heç-heçə ilə bitsə də, yekun hesab arxa plana keçib. "Nyuport" turnir cədvəlində ikinci, "Çeltenhem" isə altıncı yerdə qalıb.
Tom Kinq üçün zərbə sadəcə qol deyil, adi oyunu əfsanəyə çevirən bir an olub. İndi onun adı Ginnesin Rekordlar Kitabındadır və qolun videosu milyonlarla dəfə baxılır – futbol bəzən ən gözlənilməyən yerdə tarix yazır.
