Idman.biz
"Çempion olacağımı bilirdim".
Bunu İdman.biz-ə Azərbaycan millisinin cüdoçusu Elcan Hacıyev deyib.
O, Tacikistanın paytaxtı Düşənbədə keçirilən Böyük Dəbilqə turnirindəki çıxışını dəyərləndirib. Karyerasında ilk dəfə Böyük Dəbilqə turnirlərində çempionluq yaşayan cüdoçu qələbə təəssüratlarını bölüşüb.
Hacıyev bildirib ki, bu yarışı uzun müddət səbirsizliklə gözləyib: "Paris-2024 Yay Olimpiya Oyunlarından sonra çox ağır günlərdən keçdim. İki əməliyyat oldum və ilk yarışımda qızıl medal qazandım".
Finalda millimizin digər üzvü Vüqar Talıbovla qarşılaşan Hacıyev həlledici görüşü xüsusilə fərqləndirib: "Çətin deməzdim, ancaq aylarla arenalardan uzaq qaldığım üçün ilk görüşüm bir qədər fərqli oldu. Üstəlik, tacik idmançı ilə həmin atmosferdə qarşılaşma asan deyildi. Ancaq əsas odur ki, qalib gəldim. Final görüşü isə çətin keçdi. Həmyerlimiz Vüqar Talıbovu məğlub edib qızıl medal qazandım. Bu yarışda özümə çox inanırdım. Zədəli olduğum vaxtlarda arenaya çıxacağım günü səbirsizliklə gözləyirdim. Əvvəlcədən də demişdim ki, necə başlamışamsa, yenidən o cür davam edəcəm".
Qeyd edək ki, Elcan Hacıyev Fransanın paytaxtı Parisdə keçirilən Yay Olimpiya Oyunlarının 1/8 final görüşü zamanı ciddi zədə almışdı.
Aytac Sahəd
İdman.biz
Sportnews.az — idman dünyasında baş verən əsas hadisələrə həsr olunmuş aparıcı idman portalıdır. Biz hər gün ən son xəbərləri, oyun nəticələrini, müsahibələri, analizləri və proqnozları təqdim edirik.
Saytımızda siz tapa bilərsiniz:
Futbol: yerli və beynəlxalq liqalar, xüsusi diqqət — "Qarabağ" FK
Tennis, şahmat, gimnastika, voleybol, basketbol
Döyüş növləri: boks, güləş, cüdo
Formula 1 və Olimpiya Oyunları
Eləcə də diqqətəlayiq digər idman növləri
Biz azərbaycanlı idmançıların uğurlarını izləyirik, mühüm turnirləri işıqlandırırıq, yığmaların hazırlığı və fərdi nailiyyətlər barədə məlumat veririk. Bütün materiallar faktlara, ekspert şərhlərinə və keyfiyyətli təqdimata əsaslanır.
Niyə məhz Sportnews.az:
Yalnız aktual və etibarlı xəbərlər
Azərbaycan və dünya idmanının tam əhatəsi
Rahat struktur, müntəzəm yenilənmələr, obyektiv baxış
Əsas idman xəbərlərindən xəbərdar olmaq üçün bizimlə qalın.
Sportnews.az — burada idman ucadan danışır.
