Idman.biz
Kontinental Hokkey Liqasının (KHL) müntəzəm çempionatı çərçivəsində keçirilən "Ak Bars" - "Nefteximik" (3:1) oyununu izləyənlər arasında Kazan klubunun 99 yaşlı azarkeşi də olub.
İdman.Biz xəbər verir ki, bu barədə "Ak Bars"(Kazan şəhərini təmsil edən klub – red) fan-klubunun "Telegram" kanalı məlumat yayıb.
Bildirilir ki, 99 yaşlı azarkeşin adı Xubayba Bayazitovadır. O artıq 10 ildir ki, "Ak Bars"ya azarkeşlik edir, hər oyunu diqqətlə izləyir və onun kumiri əfsanəvi Danis Zaripovdur.
Qeyd olunur ki, 17 dekabrda Xubayba Bayazitova 100 yaşını qeyd edəcək.
"Azarkeşimizə dəstəyə görə təşəkkür edirik və ona möhkəm can sağlığı arzulayırıq", – deyə fan-klubun "Oskal" adlı səhifəsinin məlumatında vurğulanıb.
Digər maraqlı məqam isə ondan ibarətdir ki, azarkeş klubdan 30 yaş böyükdür - "Ak Bars" 1956-cı ildə yaradılıb.
