UFC 325: Volkanovskinin qələbəsi, Fiziyevin məğlubiyyəti və digər nəticələr

Avstraliyanın Sidney şəhərində yarımyüngül çəki dərəcəsində titul döyüşünün əsas hadisə olduğu UFC 325 turniri keçirilib.

İdman.Biz xəbər verir ki, divizionun çempionu Aleksandr Volkanovski Dieqo Lopes üzərində hakimlərin yekdil qərarı ilə qalib gələrək kəmərini inamla qoruyub. Hakimlərin qərarı 49-46, 49-46 və 50-45 hesabları ilə Volkanovskinin xeyrinə olub.

Gecənin ikinci əsas döyüşlərində yüngül çəkidə Benua Sen-Deni Den Hukeri ikinci raundda texniki nokautla məğlub edib. Digər qarşılaşmada isə Maurisio Ruffi azərbaycanlı döyüşçü Rafael Fiziyevi eyni üsulla, ikinci raundda dayandırıb. Ağır çəkidə Tallison Teyşeyra Tay Tuivasaya qarşı hakimlərin yekdil qərarı ilə qalib gəlib.

Turnir çərçivəsində keçirilən digər döyüşlərdə Kuillan Salkilld Ceymi Mallarkini birinci raundda boğucu fəndlə məğlub edib. Billi Elekana Cuniour Tafu ilə döyüşü ikinci raundda boğucu fəndlə başa vurub. Kemeron Rouston Kodi Brandeici ikinci raundda texniki nokautla dayandırıb. Ceykob Malkun və Conatan Mikallef isə hakimlərin yekdil qərarı ilə qələbə qazanıblar.

Xüsusi diqqət "UFC-yə gedən yol" şousunun finallarına yönəlib. Yüngül çəkidə Dom Mar Fan Kim San Uku hakimlərin yekdil qərarı ilə qalib gəlib. Yarımyüngül çəkidə Keyitiro Nakamura Sebastian Szalay üzərində üçüncü raundda texniki nokautla qələbə qazanıb. Ən yüngül çəkidə isə Lourens Lui Sulanranqbo üzərində hakimlərin bölünmüş qərarı ilə üstün olub.