Sport24.az
Qusar şəhərində taekvondo üzrə rayon birinciliyi təşkil olunub. Sport24.az xəbər verir ki, yarış Quba-Xaçmaz Regional Gənclər və İdman İdarəsinin Qusar rayonu üzrə gənclər və idman sektorunun təşkilatçılığı ilə Tofik İsmayılov adına 6 nömrəli tam orta məktəbin idman zalında baş tutub.
Birincilikdə gənclər və idman sektorunun əməkdaşları, taekvondo üzrə məşqçi-müəllimlər və ümumilikdə 50 nəfər idmançı iştirak edib.
Gərgin və maraqlı idman mübarizəsi şəraitində keçən yarışda müxtəlif çəki dərəcələri üzrə I, II və III yerlərin sahibləri müəyyənləşib.
Qalib və mükafatçılar Quba-Xaçmaz Regional Gənclər və İdman İdarəsi tərəfindən müvafiq dərəcəli diplom və medallarla təltif olunublar.
