Idman.biz
Azərbaycanın UFC-dəki parlaq təmsilçilərindən biri olan Nazim Sadıxovun növbəti döyüşü barədə təfərrüatlar məlum olub. İdmançımız paytaxt Bakıda keçiriləcək "UFC Fight Night" turnirində gücünü sınayacaq.
İdman.Biz xəbər verir ki, yüngül çəki dərəcəsində mübarizə aparan Nazim Sadıxovun rəqibi braziliyalı Kauye Kamilo olacaq. Bu qarşılaşma iyunun 27-də Bakı Şəhər Halqasının tərəfdaşlığı ilə təşkil edilən möhtəşəm döyüş gecəsinin əsas kartında yer alıb.
Hazırlıqlarını davam etdirən təmsilçimiz üçün bu döyüş xüsusi əhəmiyyət kəsb edir. Belə ki, Sadıxov ilk dəfə UFC bayrağı altında doğma vətənində rəsmi döyüşə çıxacaq. Turnirin rəsmi proqramına əsasən, bu qarşılaşmanın da daxil olduğu əsas kartın döyüşləri saat 20:00-da start götürəcək.
Qeyd edək ki, Nazim Sadıxov bu günə kimi 14 döyüşə çıxıb. Onlardan 11 qələbə, iki məğubiyyəti var.
Xatırladaq ki, həmin gecənin əsas kartında digər təmsilçimiz Rafael Fiziyev də meydana çıxacaq.
