Idman.biz
Azərbaycanlı döyüşçü Nazim Sadıxov Bakıda keçirilən UFC turnirində qalib gəldiyi üçün qqazandığı 50 min dollar mükafatı nəyə xərcləyəcəyini açıqlayıb.
İdman.biz xəbər verir ki, o, bu pulu faydalı bir işə yatırmaq istəyində olduğunu bildirib.
"Mən öz həyatımı, ailəmi vəziyyətimi yaxşılaşdırmaq, başqalarına kömək etmək üçün bu oyundayam. Onu nəyə xərcləyəcəyimi görəcəyik. Amma bu pulla "Gelendvagen" almaq fikrində deyiləm", - deyə döyüşçü vurğulayıb.
Qeyd edək ki, ötən gün Nazim Sadıxov Bakıda keçirilən UFC turnirində braziliyalı Nikolas Mottaya texniki nokautla qalib gəlib.
İdman.biz
