Idman.biz
Azərbaycanlı UFC döyüşçüsü Nazim Sadıxov bu yaxınlarda Fransada keçirilən turnirin əsas döyüşü ilə bağlı fikirlərini bölüşüb.
İdman.biz-in məlumatına görə, Parisdə Nassurdin İmavov və Kayo Borralyo oktaqonda rastlaşıblar. Hakimlərin yekdil qərar ilə qarşılaşmada fransalı İmavov qalib gəlib.
Döyüşdən sonra İmavov orta çəkidə UFC çempionu Xamzat Çimayevlə titul döyüşünə çıxmağa hazır olduğunu bildirib.
Nazim Sadıxov isə sosial şəbəkələrdə qeyd edib ki, onun fikrincə, çempion hər iki döyüşçünün öhdəsindən gələrdi: "Mən bu orta çəkili döyüşçüləri bəyənirəm. Amma onların döyüşünü izlədim - məncə, Hamzat onların hər ikisini məğlub edər".
Xatırladaq ki, Çimayev avqust ayında UFC 319 turnirində Drikus Dü Plessiyə qalib gələrək kəmər qazanıb.
İdman.biz
