Idman.biz
Moskvada azərbaycanlı peşəkar döyüşçü Cəbrayıl Əliyev xuliqanlıq və qızı öldürməklə hədələmə ittihamı ilə 4 il 1 ay müddətinə azadlıqdan məhrum edilib.
İdman.biz-in məlumatına görə, bu barədə Moskva prokurorluğunun mətbuat xidməti məlumat yayıb.
İdmançı cəzasını ümumi rejimli cəzaçəkmə müəssisəsində çəkəcək. Bundan əlavə, məhkəmə onu zərərçəkmişə mənəvi ziyana görə 500 min rubl (10 min manat) ödəməyə məcbur edib.
İstintaq müəyyən edib ki, Əliyev 2024-cü ilin iyulunda qızı pilləkəndə qəsdən itələyib. Nəticədə qız divara çırpılıb. Bundan sonra Əliyev qızın başına ən azı iki dəfə, qollarına isə hardasa on dəfə zərbə endirib, üstəlik onu öldürməklə hədələyib. Daha sonra döyüşçü qurbanını yenə də döyüb.
Prokurorluğun məlumatına görə, hökm hələ qanuni qüvvəyə minməyib.
Qeyd edək ki, Cəbrayıl Əliyev peşəkar döyüş ustasıdır və "Hardcore Fighting" promouşeninin MMA turnirlərində çıxış edib.
İdman.biz
