Idman.biz
Ağır çəkili boks üzrə sabiq mütləq dünya çempionu, əfsanəvi Mayk Tayson 5 çəki dərəcəsində 48 yaşlı keçmiş dünya çempionu amerikalı Floyd Meyvezerlə qarşıdakı döyüşü ilə bağlı danışıb.
İdman.biz xəbər verir ki, Beynəlxalq Boks Şöhrət Zalının 58 yaşlı üzvü bu qarşılaşmanı nə onun, nə də dünyanın heç vaxt gözləmədiyi, hətta təsəvvür edə bilmədiyi döyüş olacağını vurğulayıb.
Tayson bildirib ki, müasir boks tamamilə yeni, proqnozlaşdırılması çətin bir mərhələyə qədəm qoyub: "Bu qarşılaşma ən gözlənilməz döyüşlərdən biri olacaq. Mən hələ də inana bilmirəm ki, Floyd bunu həqiqətən istəyir. Bu, onun sağlamlığına təsirsiz ötüşməyəcək. Amma o istəyir - müqavilə imzalanıb və döyüş baş tutacaq".
Qeyd edək ki, Tayson və Meyvezer döyüş üçün rəsmi müqavilə bağlayıblar. Qarşılaşmanın 2026-cı ilin yazında keçirilməsi gözlənilir.
İdman.biz
