Idman.biz
Keçmiş UFC çempionları çəki və ölçü fərqinə baxmayaraq, sparrinqdə bacarıqlarını nümayiş etdiriblər.
İdman.Biz-in məlumatına görə, UFC əfsanəsi Həbib Nurməhəmmədov keçmiş UFC çempionu, braziliyalı Qlover Teyşeyra ilə güləş sparrinq sessiyasının videosunu paylaşıb.
Nurməhəmmədov ölçü fərqinə baxmayaraq, Teyşeyra ilə döyüşdə özünəinamlı görünüb. Xatırladaq ki, Həbib yüngül çəkidə, Qlover isə yarımağır çəkidə yarışıb.
Qarışıq döyüş sənətləri karyerası ərzində Həbib Nurməhəmmədov 29 döyüş keçirib və 29 qələbə qazanıb. Qlover Teyşeyra 42 döyüşdə 33 qələbə qazanıb. Hər iki məşhur döyüşçü artıq peşəkar yarışlardan təqaüdə çıxıb və məşqçiliyə diqqət yetirirlər.
