Sport24.az
UFC Şöhrət Zalının 37 yaşlı üzvü və UFC-də yüngül çəkidə keçmiş çempion (70 kq-a qədər), rusiyalı Həbib Nurməhəmmədov Zlatan İbrahimoviç və Antonio Rudiger kimi məşhur futbolçuların Dağıstana gəlmək istədiklərini bildirib. Sport24.az xəbər verir ki, o, bu barədə "Gorilla Fighting"-ə açıqlama verib.
"Zlatan [Dağıstana] gəlmək istəyir. O, mənə uşaqları ilə birlikdə bura gəlmək istədiyini dedi. Gələn il təlim mərkəzini bitirəcəyik - və sonra xoş gəlmisiniz! Rudiger də gəlmək istəyir. Başqa kimin adını çəkməliyəm? Çox adam gəlmək istəyir. Danışdığım hər kəs məndən daim Dağıstan haqqında soruşur. Mən onlara danışacaq çox şey olduğunu deyirəm. Sadəcə gəlin. Bəziləri ov etmək, bəziləri təbiətə çıxmaq, bəziləri isə Dağıstanın döyüş sənəti mədəniyyətini görmək istəyir. İnsanları Dağıstana cəlb edən bir çox şey var".
