Idman.biz
48 yaşlı keçmiş "Pride FC" çempionu rusiyalı Fyodor Yemelyanenko karyerasındakı ən mühüm qələbə barədə danışıb.
İdman.biz-in məlumatına görə, o, 2003-cü il martın 16-da "PRIDE 25: Body Blow" yarışında braziliyalı Antonio Rodriqo Nogeyra üzərində qazandığı qələbəni karyerasının ən mühüm qələbəsi hesab edir.
"2003-cü ildə Antonio Rodriqo Nogeyra üzərində qələbə. Mən onun çox güclü rəqib olduğunu bilirdim. Tanrıya şükür, qalib gəldim və dünyanın bir nömrəli döyüşçüsü oldum. Mirko Filipoviçlə döyüş də çətin oldu. Amma ən çətini döyüşün özü deyil, hazırlıqdır: məşq fiziki cəhətdən yorucudur, həm də son həftələr əqli mübarizədir. Psixoloji cəhətdən də çətin olur. Əsas odur ki, ümid olmayasan, həmişə irəli gedəsən", - Yemelyanenko deyib.
İdman.biz
