Idman.biz
Yüngül çəki dərəcəsində çıxış edən amerikalı Castin Qetji Las-Veqasda keçirilən UFC 324 turnirinin əsas döyüşündə britaniyalı Peddi Pimbletti məğlub edərək müvəqqəti çempionluq kəmərini ələ keçirib.
İdman.Biz xəbər verir ki, titul qarşılaşması bütün beş raund davam edib. Hakimlərin yekdil qərarı ilə Qetji 48:47, 49:46 və 49:46 hesabları ilə qalib elan olunub. Döyüş boyu amerikalı idmançı dəqiq zərbələrin sayında rəqibini üstələyib və bir neçə dəfə qarşılaşmanı vaxtından əvvəl bitirməyə çox yaxın olub.
Pimblett ciddi zərbələrə baxmayaraq döyüşü sona qədər davam etdirib. Nəticədə hakimlərin qərarı Castin Qetjinin xeyrinə olub və o, UFC-nin yüngül çəki dərəcəsində müvəqqəti çempion tituluna sahib çıxıb. Növbəti döyüşdə amerikalı idmançının rəqibinin İliya Topuriya olacağı gözlənilir.
Bu qələbədən sonra Castin Qetjinin MMA üzrə karyera balansında 27 qələbə və 5 məğlubiyyət yer alır. Peddi Pimblett isə UFC-də ilk dəfə uduzub, onun ümumi göstəricisi 23 qələbə və 4 məğlubiyyətdir.
Döyüşdən sonra açıqlanan hakim protokollarına əsasən, iki referi Qetjiyə beş raunddan dördündə üstünlük verib – birinci, ikinci, dördüncü və beşinci raundlar 10:9 hesabı ilə amerikalıya yazılıb. Üçüncü hakim də eyni qiymətləndirməni aparıb, yalnız beşinci raundu 10:9 hesabı ilə Pimblettin xeyrinə qeyd edib.
