Idman.biz
"Top Rank" promouter şirkətinin rəhbəri Bob Arum hesab edir ki, peşəkar boks sənayesini aktiv şəkildə araşdırmağa başlayan UFC-nin baş direktoru Dana Uayt "Məhəmməd Əli qanunu"na dəyişiklik etmək niyyəti ilə boksçuların danışıqlardakı gücünüi sarsıtmaq istəyir.
İdman.biz bildirir ki, ABŞ-da qəbul olunmuş "Məhəmməd Əli qanunu" peşəkar boksda idmançıların hüquqlarını qorumaq məqsədi daşıyır. O, menecer (idmançının nümayəndəsi) və promouter (döyüşlərin təşkilatçısı) funksiyalarının birləşməsini qadağan edən qaydalar müəyyən edir, həmçinin müqavilələrin maliyyə şərtlərinin tam şəffaflığını tələb edir ki, bu da sahəni daha ədalətli etməlidir.
"Düşünürəm ki, o, buna nail olmağa çalışır. "Əli qanunu" çox yaxşı işlədi və bunun sayəsində boksda pul kisələri görünməmiş səviyyələrə yüksəldi. Bu, ədalətlidir. Döyüşçülər hər dəfə rinqə çıxanda həyatlarını və sağlamlıqlarını riskə atırlar və onlara qəpik-quruş üçün döyüşən UFC döyüşçüləri kimi az məbləğ yox, ciddi kompensasiya ödənilməlidir. Əgər bu, boksda baş versə, faciə olar", - Arum deyib.
Uayt dəfələrlə müasir boksun "məhv olduğunu" və niyyətinin sahəni xilas etmək olduğunu bildirib.
İdman.biz
