Idman.biz
Bolqarıstanın paytaxtı Sofiyada keçirilən Avropa çempionatında 1/4 finala yüksələn Azərbaycanın üç boksçusunun sabahkı rəqibləri müəyyənləşib.
İdman.Biz xəbər verir ki, Sübhan Mamedov (50 kq), Malik Həsənov (65 kq) və Məhəmməd Abdullayev (+90 kq) sentyabrın 22-də 1/4 final görüşünə çıxacaqlar.
50 kq çəki dərəcəsində mübarizə aparan Sübhan Mamedov 1/4 finalda macarıstanlı İştvan Szaka ilə qarşılaşacaq.
65 kq-da çıxış edən Malik Həsənovun rəqibi ukraynalı Elvin Əliyev olacaq.
+90 kq çəkidə yer alan Məhəmməd Abdullayev isə 1/4 finalda norveçli Omar Şiha ilə üz-üzə gələcək.
Qeyd edək ki, sentyabrın 25-dək davam edəcək Avropa çempionatında Azərbaycanın daha iki boksçusu daha əvvəl 1/4 finala vəsiqə qazanıb.
