Idman.biz
Vaşinqtonda, Ağ Evdə keçirilməsi gözlənən UFC turniri ilə bağlı təfərrüatlar ortaya çıxıb.
İdman.biz bildirir ki, oktaqon Cənubi qazonda qurula bilər, döyüşçülər isə qarşılaşma öncəsi Ağ Evin içərisində hazırlaşacaqlar. Çəkiölçmə mərasiminin döyüş gecəsindən bir gün əvvəl Linkoln Memorialında keçiriləcəyi gözlənilir, Milli xiyabanda fanatlar üçün tədbirlər, atəşfəşanlıq və işıq şouları planlaşdırılır.
Con Cons və Conor Makqreqor kimi döyüşçülər şouda iştirak etməkdə maraqlı olduqlarını bildiriblər və UFC prezidenti Dana Vayt maddi-texniki çətinliklərə baxmayaraq yarışı keçirməkdə qərarlıdır.
Daha əvvəl bildirilmişdi ki, Ağ Evin ərazisində keçiriləcək turnir ABŞ-ın 250 illik yubileyi münasibətilə 2026-cı il iyulun 4-nə planlaşdırılıb. Bu barədə UFC prezidenti Dana Uayt məlumat verib.
İdman.biz
