Idman.biz
U-16 qızlardan ibarət milli komandamız FIBA U16 Qadınlararası Avropa Çempionatının B divizionunda qrup mərhələsinin son oyununda İsveç yığmasına 30:64 hesabı ilə məğlub olub.
İdman.Biz bildirir ki, millimiz B qrupunu 3-cü pillədə başa vuraraq mübarizəni təsnifat mərhələsində davam etdirəcək.
Növbəti rəqibimiz qrup mərhələsi tam başa çatdıqdan sonra müəyyənləşəcək.
10:58
Azərbaycanın qızlardan ibarət U-16 basketbol millisini FIBA Avropa çempionatının B divizionunda vacib sınaq gözləyir.
İdman.Biz xəbər verir ki, yığmamız qrup mərhələsinin son turunda İsveç millisi ilə qarşılaşacaq.
Slovakiyanın Pieştani şəhərində keçiriləcək görüş Azərbaycan komandasının yarımfinal uğrunda mübarizəsində xüsusi əhəmiyyət daşıyır. Millimiz qrupdakı son matçda sərfəli nəticə qazanaraq mübarizəni növbəti mərhələdə davam etdirmək istəyir.
Qarşılaşma bu gün - 11 avqustda Bakı vaxtı ilə saat 21:00-da başlayacaq.
Qeyd edək ki, Azərbaycan millisi bundan əvvəl Slovakiya yığması ilə qarşılaşıb və 50:59 hesabı ilə məğlub olub.
