ABŞ-nin MLS liqasında ən yüksək maaş alan futbolçuların siyahısı açıqlanıb. "İnter Mayami"nin argentinalı hücumçusu Lionel Messi siyahıda liderdir.
İdman.Biz ESPN-ə istinadən xəbər verir ki, 39 yaşlı futbolçunun illik zəmanətli qazancı 28,3 milyon dollar (48,1 milyon manat) təşkil edir. Ötən il bu göstərici 20,45 milyon dollar (34,8 milyon manat) olub.
Siyahının ikinci pilləsində "Çikaqo Fayr"ın polşalı hücumçusu Robert Levandovski qərarlaşıb. Onun illik qazancı 19,51 milyon dollar (33,2 milyon manat) təşkil edir.
Üçüncü yerdə "Orlando Siti"nin fransalı futbolçusu Antuan Qrizmann yer alıb. O, ildə 13,94 milyon dollar (23,7 milyon manat) qazanır.
İlk beşliyi "Los-Anceles"in cənubi koreyalı hücumçusu Son Hın Min və "Atlanta Yunayted"in isveçrəli futbolçusu Bril Embolo tamamlayırlar. Onların illik qazancı müvafiq olaraq 11,25 milyon dollar (19,1 milyon manat) və 10,81 milyon dollar (18,4 milyon manat) təşkil edir.
Beləliklə, MLS-də illik qazancı 10 milyon dolları ötən beş futbolçu var.
Qeyd edək ki, Messinin göstərilən məvacibinə onun reklam və digər kommersiya fəaliyyətlərindən əldə etdiyi gəlirlər daxil deyil. Daha əvvəl argentinalı futbolçunun klubdan və digər müqavilələrdən ümumi illik qazancının 70-80 milyon dollara çatdığı bildirilmişdi.