Idman.biz
Azərbaycanın qadınlardan ibarət 3x3 basketbol yığması Tailandda təşkil olunan FIBA Çempionlar Kubokuna məğlubiyyətlə başlayıb. Banqkok şəhərinin ev sahibliyi etdiyi turnirin B qrupunda mübarizə aparan seçməmiz ilk sınağında Kanada kollektivi ilə qarşılaşıb.
İdman.Biz xəbər verir ki, gərgin keçən görüş rəqib komandanın 16:10 hesablı üstünlüyü ilə yekunlaşıb.
Təqvimə əsasən, basketbolçularımız saat 16:05-də növbəti oyununa çıxacaqlar. Bu dəfə rəqib turnirin meydan sahibi olan Tailand yığması olacaq. Qrup mərhələsinin son matçı isə sabah İspaniya seçməsinə qarşı baş tutacaq.
Xatırladaq ki, bu turnir böyük əhəmiyyət kəsb edir. Yarışın baş mükafatını qazanan komanda 2027-ci ildə keçiriləcək Dünya Kuboku və Çempionlar Kuboku ilə yanaşı, həm də 2028-ci il Yay Olimpiya Oyunlarına lisenziya verən Olimpiya Təsnifat turnirinə birbaşa vəsiqə əldə edəcək.
10:19
Bu gün Azərbaycanın qadınlardan ibarət 3x3 basketbol millisi Taylandın paytaxtı Banqkokda keçirilən FIBA Çempionlar Kubokunda mübarizəyə başlayır.
İdman.Biz xəbər verir ki, B qrupunda yer alan yığma ilk olaraq Kanada və meydan sahibləri ilə üz-üzə gələcək.
Qarşılaşmalar müvafiq olaraq Bakı vaxtı ilə saat 13:20 və 16:05-də start götürəcək. Azərbaycan millisi sabah İspaniya ilə münasibətlərə aydınlıq gətirəcək.
Qeyd edək ki, turnirin qalibi FIBA 3x3 Çempionlar Kuboku 2027, FIBA 3x3 Dünya Kuboku 2027 və 2028-ci il Yay Olimpiya Oyunlarına vəsiqə qazandıran Olimpiya Təsnifat turnirində iştirak hüququ əldə edəcək.
