Idman.biz
Çinin Şanxay şəhərində keçirilən 3x3 basketbol üzrə Dünya Seriyasının mərhələsində mübarizə aparan "Neftçi"nin qadın komandası ikinci oyununda da məğlub olub.
İdman.Biz xəbər verir ki, Ratomir Deliçin rəhbərlik etdiyi kollektiv bu dəfə Niderlandın "Amsterdam" komandası ilə üz-üzə gəlib.
Gərgin keçən qarşılaşma Niderland təmsilçisinin 18:15 hesablı qələbəsi ilə yekunlaşıb.
Qeyd edək ki, "Neftçi" günün ilk matçında Tailand komandasına 14:19 hesabı ilə uduzub. Bununla da paytaxt təmsilçisi Şanxay mərhələsində çıxışını başa vurub.
12:02
Çinin Şanxay şəhərində keçirilən Dünya Seriyasının mərhələsində "Neftçi"nin qadınlardan ibarət 3x3 basketbol komandası mübarizəyə start verib.
İdman.Biz xəbər verir ki, paytaxt təmsilçisi ilk oyununu Tailanda qarşı keçirib.
Görüş Tailand komandasının 19:14 hesablı qələbəsi ilə başa çatıb.
Qeyd edək ki, Ratomir Deliçin baş məşqçisi olduğu kollektiv bu gün növbəti matçda Niderlandın "Amsterdam" komandası ilə üz-üzə gələcək. Qarşılaşma saat 13:30-da başlayacaq.
10:35
"Neftçi"nin qadınlardan ibarət 3x3 basketbol komandası bu gün Çinin Şanxay şəhərində keçiriləcək Dünya Seriyasının mərhələsində mübarizəyə start verəcək.
İdman.Biz xəbər verir ki, Ratomir Deliçin baş məşqçisi olduğu kollektiv iki oyun keçirəcək.
"Ağ-qaralar" ilk görüşdə Tailand yığması ilə üz-üzə gələcək.
Komanda ikinci matçda isə Niderlandın "Amsterdam" klubu ilə qarşılaşacaq.
Qeyd edək ki, Dünya Seriyasının Şanxay mərhələsinə mayın 17-də yekun vurulacaq.
