Idman.biz
Azərbaycanın 18 yaşadək qızlardan ibarət basketbol millisi Rumıniyada keçirilən Avropa çempionatının B divizionunda növbəti oyununu keçirib.
İdman.Biz bildirir ki, dördüncü turda İslandiya seçməsi ilə qarşılaşan Azərbaycan komandası məğlub olub - 74:77.
Qeyd edək ki, millimiz daha əvvəl Rumıniyaya 55:81, Portuqaliyaya 52:90, Niderlanda isə 72:79 hesabı ilə uduzub.
Bu nəticədən sonra A qrupunda İslandiya 7 xalla liderdir. Rumıniya və Portuqaliya seçmələri 6 xalla ikinci-üçüncü pillələri bölüşür. Niderland və Azərbaycan yığmalarının aktivində isə 4 xal var.
11:28
18 yaşadək qızlardan ibarət Azərbaycan basketbol millisi bu gün FIBA U-18 qadınlar arasında Avropa çempionatının B divizionunda növbəti oyununu keçirəcək.
İdman.Biz xəbər verir ki, yığmamız qrup mərhələsinin son turunda İslandiya komandası ilə qarşılaşacaq. Rumıniyanın Tulça şəhərindəki "Sala Polivalenta 2" arenasında təşkil olunacaq görüş Bakı vaxtı ilə saat 17:00-da başlayacaq.
Azərbaycan və İslandiya A qrupunda Portuqaliya, Rumıniya və Niderlandla birlikdə mübarizə aparırlar. Milli ilk üç qarşılaşmada qələbə qazana bilməyib.
Komandalar ötən il də eyni turnirin qrup mərhələsində üz-üzə gəliblər. Azərbaycan millisi həmin görüşdə İslandiyanı 86:79 hesabı ilə məğlub edib.
