Idman.biz
Yunanıstanın "Kolossos" klubunun hücumameylli müdafiəçisi rolunu oynayan 37 yaşlı amerikalı peşəkar basketbolçu Endryu Qudlok marixuana saxladığına görə Yunanıstan polisi tərəfindən həbs edilib.
İdman.Biz xəbər verir ki, məlumatı "Eurohoops Turkey" yayıb.
Türk jurnalistlərinin məlumatına görə, Qudlokun üzərində az miqdarda narkotik maddə aşkarlanıb.
Endryu Qudlokun dünyanın müxtəlif liqalarında geniş karyerası olub. NBA-da o, "Los Angeles Lakers" və "Houston Rockets"də oynayıb. Qudlok eləcə də İnkişaf Liqasında "Los Angeles D-Fenders", "Sioux Falls Skyforce" və "Rio Grande Valley Vipers" komandalarında çıxış edib.
ABŞ-dan sonra Qudlok Rusiyaya köçüb və UNIKS-in oyunçusu olub. 2014-cü ildə o, Birləşmiş Liqanın MVP-si seçilib.
Daha sonra o, Yunanıstana köçməzdən əvvəl Türkiyə, İtaliya, Çin, Litva və İspaniyada oynayıb.
