Qar voleybolu üzrə ölkə kubokunun qalibləri müəyyənləşdi

Qar voleybolu üzrə ölkə kuboku Şahdağ Turizm Mərkəzində keçirilən yarışlarla yekunlaşıb.

İdman.Biz xəbər verir ki, turnirin son günündə qadınların yarışında üç qarşılaşma baş tutub. Dairəvi sistem üzrə keçirilən yarışda mükafatçılar turnir cədvəlinə əsasən müəyyənləşib. Bütün oyunlarda qalib gələn "Gəncə" komandası (dörd qələbə, 12 xal) birinci yeri tutub. "Milli" (üç qələbə, səkkiz xal) ikinci, "AZERRAIL" isə (iki qələbə, altı xal) üçüncü olub.

Kişilərin yarışında üçüncü yer uğrunda oyunda "Gənclər" və "Baku Fires" komandaları üz-üzə gəlib. Qarşılaşmada "Baku Fires" 2:0 hesabı ilə qalib gələrək bürünc medallara sahib çıxıb. Final görüşündə isə "AZERRAIL" komandası "Qaraqaya" ilə qarşılaşıb və 2:0 hesablı qələbə ilə ölkə kubokunun sahibi olub. "Qaraqaya" isə gümüş medal qazanıb.

Oyunlardan sonra mükafatlandırma və bağlanış mərasimi keçirilib. Qalib və mükafatçılara diplom, kubok, medallar təqdim olunub. Mükafatları Milli Məclisin deputatı Əlibala Məhərrəmzadə, Azərbaycan Voleybol Federasiyasının vitse-prezidenti Bəhruz Quliyev, baş katib Faiq Orucov təqdim ediblər.

Oyunların nəticələri (25 yanvar)
Qadınlar
"Gəncə" – "Milli" 2:0 (15:8, 15:8)
"Milli-2" – "Qaraqaya" 2:0 (15:7, 15:13)
"AZERRAIL" – "Gəncə" 0:2 (8:15, 12:15)

Kişilər
Üçüncü yer uğrunda
"Gənclər" – "Baku Fires" 0:2 (8:15, 14:16)
Final
"Qaraqaya" – "AZERRAIL" 0:2 (5:15, 6:15)

09:40

Azərbaycan Voleybol Federasiyasının təşkilatçılığı ilə keçirilən qar voleybolu üzrə qadınlar və kişilər arasında ölkə kubokunda oyunlar davam edir.

İdman.Biz xəbər verir ki, yanvarın 25-də Şahdağ Turizm Mərkəzində turnirin oyun proqramına uyğun olaraq bir sıra qarşılaşmalar baş tutacaq.

Qadınlar arasında saat 10:00-da "Gəncə" - "Milli" oyunu keçiriləcək. Ardınca 10:30-da "Milli-2" - "Qaraqaya", 11:00-da isə "AZERRAIL" - "Gəncə" qarşılaşmaları oynanılacaq.

Kişilər arasında saat 11:30-da üçüncü yer uğrunda "Gənclər" - "Baku Fires" görüşü keçiriləcək. Saat 12:00-da isə "Qaraqaya" - "AZERRAIL" final oyunu baş tutacaq.

Qeyd edək ki, bütün qarşılaşmalar Şahdağ Turizm Mərkəzində təşkil olunacaq.