Sport24.az
Bu gün ənənəvi Vüqar Həşimovun memorialı turnirin iştirakçıları Bakıda bir araya gəlib. Sport24.az-ın əməkdaşının da qatıldığı tədbir mərhum şahmatçımızın məzarı qarşısında təşkil edilib.
Tanınmış həmkarımız Sənan Şəfizadənin tədbir iştirakçılarını salamlamasından sonra turnirin direktoru Anar Allahverdiyev, Təşkilat Komitəsinin sədri Qasım Həşimov, 2 il əvvəl turnirin qalibi olmuş Nodirbek Abdusattorovun atası Fazliddin Oçilov da ürək sözlərini çatdırdılar.
Bundan sonra avtobus və avtomobil karvanı turnirin keçiriləcəyi Şuşa şəhərinə yola düşdü.
Qeyd edək ki, Vüqar Həşimov Şahmat Fondu, Azərbaycan Gənclər və İdman Nazirliyi və Azərbaycan Şahmat Federasiyasının birgə təşkilatçılığı ilə keçirilən və 8 şahmatçının qatıldığı yarış 3 günü - 26-28 sentyabrı əhatə edəcək. İştirakçılar rapid və blitsdə mübarizə aparacaq və qalib iki turnirin nəticəsinə əsasən müəyyənləşəcək.
