İdman.biz
Vasif Durarbəyli noyabrın 8-19-da Petrovatsda (Monteneqro) keçiriləcək şahmat üzrə Avropa çempionatına qatılacaq.
İdman.biz xəbər verir ki, ABŞ-da yaşayan qrossmeyster dünya çempionatına vəsiqə qazandıracaq qitə birinciliyində mübarizə aparmaq üçün ərizə göndərib.
Monteneqroda 150 şahmatçı çıxış edəcək, reytinq favoriti isə Vladimir Fedoseyevdir (Sloveniya). Azərbaycanlılar arasında ən yüksək reytinqli qrossmeyster bu göstəricidə 22-ci olan Rauf Məmmədovdur.
Eltac Səfərli, Aydın Süleymanlı, Məhəmməd Muradlı, Vüqar Rəsulov, Əhməd Əhmədzadə, Misrəddin İsgəndərov, Riad Səmədov, Namiq Quliyev, Xəzər Babazadə, Vüqar Manafov, Xaqan Əhməd, Gövhər Beydullayeva, Ayan Allahverdiyeva, Şiroğlan Talıbov, Orxan Abdulov, Allahverdi Həmidov, Şahin Vəliyev, Ümid Aslanov, Elcan Abdulkərimli, Orxan Bağırov və Kamran Vəlizadə də Avropa Çempionatında mübarizə aparacaqlar.
İdman.biz
