Idman.biz
Beynəlxalq Şahmat Federasiyası (FIDE) klassik şahmat reytinqindən sonra avqustun əvvəlində rapid və blits şahmat üzrə də reytinq cədvəllərini açıqlayıb.
İdman.biz xəbər verir ki, rapiddə azərbaycanlı qrossmeysterlər arasında ən yüksək göstəriciyə Şəhriyar Məmmədyarov malikdir.
O, 2701 reytinq xalı ilə 19-cu yerdə qərarlaşıb. Teymur Rəcəbov (2661) 37-ci, Eltac Səfərli (2627) isə 71-ci yerdədir.
Rapiddə lider Maqnus Karlsendir (Norveç, 2809). Onu Din Lijen (Çin, 2770) və Yan Nepomnyaşi (Rusiya, 2762) izləyirlər.
Blits şahmatda isə Məmmədyarov 2676 xalla 38-ci yerdə qərarlaşıb. Rəcəbov 2646 xalla 59-cudur. İlk 100-lükdə daha iki şahmatçımız var: Eltac Səfərli (2634) – 73-cü, Rauf Məmmədov (2609) isə 95-ci pillədədir.
Blits şahmatda da lider Maqnus Karlsendir (2881). İkinci yerdə Hikaru Nakamura (ABŞ, 2838), üçüncü pillədə isə Alireza Firuzca (Fransa, 2814) qərarlaşıblar.
İdman.biz
