Idman.biz
Azərbaycanlı qrossmeyster Şəhriyar Məmmədyarovu cari dünya reytinqində ilk "onluq"dan cəmi 0,1 xal ayırır.
İdman.biz xəbər verir ki, hər gün yenilənən dünya reytinqində Məmmədyarov 2744,9 xalla 11-ci pillədə qərarlaşıb.
Bu göstərici 10-cu yerdə olan amerikalı Uesli Sodan 0,1 xal azdır. Vəziyyət avqustun sonuna kimi davam edərsə, Məmmədyarov Sonu FİDE reytinqinin ilk "onluğ"undan kənarlaşdıra bilər. Fakt budur ki, beynəlxalq federasiya şahmatçının xeyrinə olaraq, reytinqləri tam rəqəmlərə yuvarlayır.
Şəhriyar son bir aydakı daha çox aktivliyinə görə amerikalı rəqibini qabaqlayacaq. Azərbaycanlı qrossmeysterdən fərqli olaraq, So son vaxtlar heç bir rəsmi oyun keçirməyib.
Qeyd edək ki, Şəhriyar Məmmədyarov sonuncu dəfə FİDE reytinqinin ilk "10-luğ"una 2022-ci ilin sentyabrında daxil olub. Daha sonra onun reytinqi 2757 bala çatıb.
Hazırda dünya reytinqlərinin ilk "onluğ"u:
1. Maqnus Karlsen (Norveç, 2839,0)
2. Hikaru Nakamura (ABŞ, 2807.0)
3. Fabiano Karuana (ABŞ, 2784,0)
4. Arjun Erigaysi (Hindistan, 2782,6)
5. Rameşbabu Praqannandhaa (Hindistan, 2779,0)
6. Qukeş Dommaraju (Hindistan, 2776,0)
7. Nodirbek Abdussattorov (Özbəkistan, 2771,0)
8. Alireza Firouzja (Fransa, 2766,0)
9. Vey İ (Çin, 2753,0)
10. Uesli So (ABŞ, 2745.0)
İdman.biz
