Sport24.az
Nyu-Yorkda rapid və blits üzrə dünya çempionatı başlayıb. Sport24.az xəbər verir ki, ilk gündə rapiddə beş tur oynanılıb.
Kişilərin yarışında Azərbaycan şahmatçıları arasında ən çox xal toplayanlar Şəhriyar Məmmədyarovla Vasif Durarbəyli olub. Onların hərəyə 3,5 xal toplayaraq, müvafiq olaraq, 17-ci və 24-cü yerdədirlər. Komanda yoldaşlarından yarım xal az toplayan Eltac Səfərli isə 48-cidir.
Turnir cədvəlinə 4,5 xalla Volodar Murzin (FIDE) başçılıq edir.
Qadınların yarışında isə rapiddə 4 tur oynanılıb. Günay Məmmədzadə uğurlu start götürərək 3,5 xalla 2-6-cı yerləri bölüşür. O, lider Elis Lidən (ABŞ) yarım xal geri qalır.
Qeyd edək ki, dünya çempionatına 300-ə yaxın (180 kişi, 109 qadın) şahmatçı qatılıb.
Azərbaycanı çempionatda 15 şahmatçı təmsil edir: Şəhriyar Məmmədyarov, Eltac Səfərli, Aydın Süleymanlı, Vasif Durarbəyli, Məhəmməd Muradlı, Vüqar Rəsulov, Riad Səmədov, Vüqar Manafov, Günay Məmmədzadə, Gülnar Məmmədova, Xanım Balacayeva, Ülviyyə Fətəliyeva, Gövhər Beydullayeva, Zeynəb Məmmədyarova və Türkan Məmmədyarova.
