Idman.biz
Yanvarın 6-dan startı veriləcək şahmat üzrə Azərbaycan Birinci Dəstəsinin mükafat fondu bəlli olub.
İdman.Biz "Report"a istinadən xəbər verir ki, bu barədə Azərbaycan Şahmat Federasiyasının mətbuat katibi Sənan Şəfizadə məlumat verib.
O, çempionatda iştirak edəcək şahmatçıların sayını da açıqlayıb:
"Kişilərin yarışında mükafat fondu 7000, qadınlarda isə 3000 manatdır. Kişilərdə 40, qadınların mübarizəsində isə 20 nəfər iştirak edəcək. Kişilər arasında ilk 9 pilləni tutanlar yüksək liqaya çıxacaqlar. Bu addım daha böyük rəqabət yaratmaq məqsədilə atılıb. Çünki kişilərdə rəqabət güclüdür. Qadınların mübarizəsində isə ilk 2 yerin sahibi Azərbaycan çempionatına yüksələcək".
Qeyd edək ki, Azərbaycan Birinci Dəstəsi yanvarın 6-14-ü aralığında keçiriləcək.
