İdman.biz
Beynəlxalq Şahmat Federasiyası noyabrın 1-nə olan rapid və blits üzrə reytinq cədvəllərini dərc edib.
İdman.biz xəbər verir ki, rapiddə Azərbaycan qrossmeysterləri arasında ən yaxşı göstərici Şəhriyar Məmmədyarovdadır.
O, 18-ci (2711), Teymur Rəcəbov (2670) isə 35-ci yerdə qərarlaşıblar.
Rapid yarışında Maqnus Karlsen (Norveç, 2825) liderdir, Dinq Liren (Çin, 2776) və Fabiano Karuana (ABŞ, 2766) isə ilk "üçlük"dədirlər.
Eyni zamanda, blitsdə Məmmədyarov (2705) 26-cı, Rəcəbov (2663) 45-ci yerdə qərarlaşıblar. İlk "yüzlük"də daha iki şahmatçımız var: Eltac Səfərli (2644) 63-cü, Rauf Məmmədov (2629) isə 70-cidir.
Blits üzrə də lider Karlsendir (Norveç, 2893), Alireza Firuzca (Fransa, 2871) ikinci, Hikaru Nakamura (ABŞ, 2860) isə üçüncüdür.
İdman.biz
