Azərbaycan Şahmat Federasiyasının təşəbbüsü ilə keçirilən "Chess Tour Azerbaijan" şahmat turu "Lankaran Open" festivalı ilə davam edir.
İdman.biz xəbər verir ki, A turnirində 38, B turnirində isə 140 şahmatçı mübarizə aparır.
Lənkəranda keçirilən əsas yarışda birinci turda 16 iştirakçı qələbə qazanıb. Onların arasında ukraynalı Vıtali Bernadski, eləcə də gənc azərbaycanlı istedad Xaqan Əhməd, həmçinin Murad İbrahimli, Vüqar Manafov və digərləri var.
Qeyd edək ki, 9 turdan ibarət olacaq festival İsveçrə sistemi üzrə keçirilir.
İdman.biz