Idman.biz
Gürcüstanın Batumi şəhərində keçirilən qadınlar arasında şahmat üzrə Dünya kubokunda bu gün 1/64 final tay-brek oyunlarına yekun vurulub.
İdman.biz xəbər verir ki, Azərbaycan şahmatçıları Gövhər Beydullayeva və Gülnar Məmmədova növbəti mərhələdə mübarizəni davam etdirmək uğrunda, müvafiq olaraq, Anahita Zahedifar (İran) və Yunşan Li (Kanada) ilə sürətli oyunlar keçiriblər.
Gülnar daha uğurlu çıxış edərək, mərhələ adlayıb. O, kanadalı Yunşan Liyə qalib gəlib. Gövhər isə iranlı Anahita Zahedifarla mübarizədə iki dəfə önə keçsə də üstünlüyünü qoruya bilməyib.
Dünya kuboku
1/64 final, tay-brek
Gövhər Beydullayeva - Anahita Zahedifar (İran) - 2,5:3,5
İlk 2 oyun: 1:1
Gülnar Məmmədova - Yunşan Li (Kanada) - 1,5:0,5
İlk 2 oyun: 1:1
Bundan əvvəl Ülviyyə Fətəliyeva Jilin Janqa (Avstraliya) qalib gələrək 1/32 finala yüksəlib, Xanım Balacayeva isə Elnaz Kaliaxmetə (Qazaxıstan) məğlub olaraq turniri başa vurub.
İdman.biz
