Idman.biz
Amerikalı qrossmeyster Daniel Naroditskinin qəfil ölümü narkotik qarışıqdan istifadə ilə əlaqəlidir.
İdman.Biz bildirir ki, bu barədə TMZ Şimali Karolina Baş Tibbi Ekspertiza İdarəsinə istinadən məlumat verir.
Mənbənin məlumatına görə, şahmatçı narkotik kokteyli qəbul etdikdən sonra zəhərlənmədən ölüb. Naroditskinin orqanizmində metamfetamin və amfetamin kokteyli, eləcə də opioidə bənzər təsirlərə malik mitraqinin maddəsi tapılıb.
Naroditski 19 oktyabr 2025-ci ildə vəfat edib. O, 29 yaşında idi. 2015-ci ildə o, Dünya Komanda Şahmat çempionatında ABŞ-ın üzvü olub. O, 18 yaşında qrossmeyster titulunu qazanıb. Naroditski həmçinin şahmat haqqında bir neçə kitab yazması ilə də tanınır.
