Idman.biz
Yüngül atletika üzrə səkkizqat olimpiya və 11-qat dünya çempionu yamaykalı Useyn Bolt bildirib ki, qaçış ayaqqabılarının hazırkı səviyyəsi idmançıların sürətinə çox təsir edir.
İdman.biz bildirir ki, Bolt indiki qaçış ayaqqabıları ilə 100 metri 9,42 saniyəyə qaça biləcəyinə inanır.
Useynin 2009-cu ildə Berlində keçirilən Dünya Çempionatında 100 metrə qaçışda müəyyən etdiyi (9,58 saniyə) üzrə dünya rekordu hələ də qalır.
"Mən idmandan getdikdən sonra qaçmağı davam etdirən insanlardan biri Şelli-Enn Freyzer-Prays idi. Və mən gördüm: o, yeni ayaqqabılarla daha sürətli oldu. Davam etsəydim, yəqin ki, daha sürətli qaçardım. Ayaqqabıların bu səviyyəyə çatacağını bilsəydim, bəlkə də davam edərdim, çünki indiki ayaqqabılarla yarışmaq əla olardı. Məncə, 100 metri 9,42 saniyəyə qət edərdim", - Bolt deyib.
İdman.biz
