Idman.biz
Sentyabrın 11-də Yaponiyanın paytaxtı Tokioda "World Athletics" Konqresi və Konvensiyası start götürüb.
İdman.biz xəbər verir ki, 2 gün davam edəcək tədbirdə Azərbaycan Atletika Federasiyasının prezidenti Cavid Qurbanov, baş katib Məhərrəm Sultanzadə və mütəxəssis Brandon İsakov iştirak edirlər.
Konqresdə təşkilatın illik hesabatı təqdim edilib, nizamnaməyə dəyişikliklər, eləcə də kontinental assosiasiyaların hesabatları müzakirə edilir.
Həmçinin, atletikanın 2022-2030-cu illər üçün inkişaf planına da baxılıb.
Konvensiyada idmanda süni intellektin rolu, xüsusilə istedadların üzə çıxarılması və təlimi, yeni "World Athletics Ultimate" Çempionatının (WAUC) turnirinin təqdimatı, rəqəmsal idmanda və virtual iştirakda yeniliklər, bundan əlavə, atletikanın sosial təsiri və əməkdaşlıq imkanlarının genişləndirilməsi müzakirə oluncaq.
Qeyd edək ki, konqresdən sonra sentyabrın 13-dən 21-dək atletika üzrə dünya çempionatı keçiriləcək.
