Idman.biz
Qadın güləşi üzrə baş məşqçi əvəzi Toğrul Əsgərov milli komandanın VI İslam Həmrəyliyi Oyunlarında İslamiadaya hazırlığını dəyərləndirib.
İdman.Biz xəbər verir ki, bu barədə Azərbaycan Güləş Federasiyasından məlumat verilib.
O bildirib ki, hazırlıq prosesi artıq başa çatıb: "İslam Oyunlarına hazırlığı başa vururuq. Əvvəlcə fiziki, daha sonra isə taktiki-texniki məşqlər keçdik. Toplanış Göygöldə baş tutdu. Hədəfimiz ən azı 1 dəst medal qazanmaqdır. Bütün güləşçilərimizin medala sahib çıxmasını arzulayıram", - o qeyd edib.
Baş məşqçi əlavə edib ki, idman sürprizlərlə doludur: "Hər şey ola bilər. Favorit sayılmayan idmançı çempion ola və ya iddialı güləşçi medalsız qala bilər. Türkiyə, Qazaxıstan, Özbəkistan və Qırğızıstan komandaları əsas rəqiblərdir. Nigeriya da bir neçə çəkidə güclü güləşçilərə malikdir. Məşqçilər heyəti olaraq milli üzvlərinin maksimal hazırlıq səviyyəsinə çatmaları üçün əlimizdən gələni etmişik".
Qeyd edək ki, İslam Oyunlarında güləş yarışları noyabrın 18-dən 21-dək keçiriləcək. Azərbaycanı İslam Həmrəyliyi Oyunlarında təmsil edənlərdən biri də I dərəcəli hakim Bəşir İsazadə olacaq.
