Rəşid Babazadə Avropa Çempionatında bürünc medal uğrunda görüşə vəsiqə qazandı

Azərbaycanın sərbəst güləşçisi Rəşid Babazadə (65 kq) Tirana şəhərində keçirilən Avropa çempionatında uğurlu çıxış edib.

İdman.Biz xəbər verir ki, güləşçimiz belçikalı Ayub Musayev üzərində 4:2 hesablı qələbə qazanaraq bürünc medal uğrunda görüşə vəsiqə əldə edib.

Qeyd edək ki, Azərbaycanın sərbəst güləşçisi İslam Bazarqanov (57 kq) Tirana şəhərində keçirilən Avropa çempionatının finalında Musa Mextixanov (UWW) ilə qarşılaşacaq.

Digər təmsilçimiz Cəbrayıl Hacıyev (79 kq) bürünc medal uğrunda Şimali Makedoniyanı təmsil edən Rasul Şapiyev ilə üz-üzə gələcək.

Rəşid Babazadə (65 kq) isə bürünc medal görüşündə Ermənistan təmsilçisi Vazgen Tevanyanla qarşılaşacaq.

Avropa çempionatının yarımfinal qarşılaşmaları yerli vaxtla saat 20:00-da İctimai TV-də yayımlanacaq. Yarış aprelin 26-da başa çatacaq.

Avropa çempionatı aprelin 26-da başa çatacaq.

09:48

Bu gün Albaniyanın paytaxtı Tiranada keçirilən Avropa çempionatında Azərbaycanın beş sərbəst güləşçisi döşək üzərinə çıxacaq.

İdman.Biz xəbər verir ki, Nurəddin Novruzov (61 kq), Turan Bayramov (74 kq), Arseni Cioyev (86 kq), Ali Tsokayev (92 kq), Giorgi Meşvildişvili (125 kq) mübarizəyə qoşulacaqlar.

Rəşid Babazadə (65 kq) isə təsəlliverici görüşdə Ayub Musayevlə (Belçika) qarşılaşacaq.

Xatırladaq ki, daha əvvəl yunan-Roma güləşçilərindən Həsrət Cəfərov (67 kq) və Qurban Qurbanov (82 kq) qızıl, Rəşad Məmmədov (55 kq), Nihat Məmmədli (60 kq) və İslam Abbasov (87 kq) isə bürünc medal qazanıblar. Yunan-Roma güləşi üzrə milli komanda hesabında birinci olub. Qadın güləşçilərdən Jalə Əliyeva (57 kq) və Günay Qurbanova (59 kq) bürünc medal qazanıblar.

Qeyd edək ki, Avropa çempionatı aprelin 26-da başa çatacaq.