Idman.biz
Azərbaycan güləşçisi Günay Qurbanova (59 kq) Albaniyanın paytaxtı Tiranada keçirilən Avropa çempionatında yarımfinala vəsiqə qazanıb.
İdman.Biz xəbər verir ki, idmançı 1/4 finalda Elena Bruqqerə (Almaniya) qalib gəlib.
Elnurə Məmmədova (50 kq) təsnifatda Aqata Valerzaka (Polşa) uduzub.
Qeyd edək ki, Avropa çempionatı aprelin 26-da başa çatacaq.
09:42
Bu gün Azərbaycanın iki qadın güləşçisi Albaniyanın paytaxtı Tiranada keçirilən Avropa çempionatında mübarizəyə start verəcək.
İdman.Biz xəbər verir ki, Elnurə Məmmədova (50 kq) təsnifatda Aqata Valerzakla (Polşa) üz-üzə gələcək.
Günay Qurbanova (59 kq) isə 1/4 finalda Elena Bruqqerlə (Almaniya) münasibətlərə aydınlıq gətirəcək.
Bundan əlavə, bu gün iki yunan-Roma güləşçisi qızıl, biri bürünc medal uğrunda qarşılaşmaya çıxacaq.
Həsrət Cəfərov (67 kq) finalda Murat Fıratla (Türkiyə), Qurban Qurbanov (82 kq) eyni raundda Adlet Tyulyubaevlə (UWW) görüşəcək. Nihat Məmmədli (60 kq) isə üçüncü yeri tutmaq üçün Suner Konunovla (UWW) qarşılaşacaq.
Qeyd edək ki, Avropa çempionatı aprelin 26-da başa çatacaq. Daha əvvəl yunan-Roma güləşçilərindən Rəşad Məmmədov (55 kq) və İslam Abbasov (87 kq) bürünc medal qazanıb.
