Idman.biz
"Yarışın qalibi olmaq istəyirik".
İdman.biz xəbər verir ki, bunu jurnalistlərə açıqlamasında Azərbaycan Minifutbol Federasiyasının prezidenti Orxan Məmmədov deyib.
O, Bakıda keçiriləcək minifutbol üzrə dünya çempionatına hazırlıqlardan danışıb: "Milli komanda da hazırlığı davam etdirir. Daha əvvəl beynəlxalq turnirdə iştirak etmişik. Dünya çempionatından əvvəl son oyunumuzu Birləşmiş Ərəb Əmirliklərinin komandasına qarşı keçirəcəyik. Turnir Bakıda keçirildiyi üçün azarkeşlərin gözləntisi böyükdür. Rəhbərlik olaraq bizim də gözləntilərimiz belədir. Bunu da məqsəd kimi qoymuşuq. Amma bu, dünya çempionatıdır. Rəqabət güclü olacaq. Fikrimcə, "üçlüy"ə düşmək bizim üçün böyük uğur sayıla bilər".
Qeyd edək ki, mundial mayın 21-dən iyunun 1-nə qədər keçiriləcək.
Aytac Sahəd
İdman.biz
