Idman.biz
"Çox xoşbəxtik ki, belə bir mötəbər yarış bizim ölkəmizdə keçiriləcək".
İdman.biz xəbər verir ki, bunu jurnalistlərə açıqlamasında minifutbol üzrə Azərbaycan yığmasının baş məşqçisi Elşad Quliyev deyib.
O, Bakıda keçiriləcək dünya çempionatına komandasının hazırlığından danışıb. Çalışdırıcı bildirib ki, hazırlıqlar yaxşı gedir: "Hər şey qaydasındadır. Hədəfimiz qrupdan çıxmaqdır. Daha sonra müəyyənləşdirəcəyik ki, nə qədər irəliləyə bilirik. Həm taktiki, həm də texniki tərəfdən dəyişikliklər etmişik. Daha modern bir komanda yaratmışıq. İnanıram ki, daha yaxşı tərəfdən komandanı görə biləcəyik. Çox istərdik ki, azarkeşlər bizə dəstək olsunlar. Rəqiblərimiz yetəri qədər analiz etmişik. Birinci oyundan çox şey asılıdır. İlk oyunda yaxşı nəticə göstərə bilsək, qrupdan lider kimi çıxa bilərik".
Qeyd edək ki, mundial mayın 21-dən iyunun 1-dək keçiriləcək.
Aytac Sahəd
İdman.biz
