Idman.biz
Bakıda keçirilən minifutbol üzrə dünya çempionatının ilk günündə 33 qol vurulub.
İdman.biz xəbər verir ki, yarışın ilk oyun günündə keçirilən səkkiz qarşılaşmada ümumilikdə 33 qol qeydə alınıb.
Bombardirlər yarışında liderliyi Slovakiya millisinin hücumçusu Yakub Hudek ələ keçirib.
O, Hindistanla 15:0 hesabı ilə başa çatan oyunda het-trik edib. Məhz bu qarşılaşma çempionatın ilk günündəki məhsuldarlığa öz böyük töhfəsini verib.
Hudekin ən yaxın izləyiciləri də onun komanda yoldaşlarıdır – Yaroslav Repa, David Quba və Yakub Straka hərəyə 2 dəfə fərqləniblər. Onlarla yanaşı, İngiltərə millisindən Kallum Qardnerin də hesabında 2 qol var.
Qeyd edək ki, Azərbaycan millisi dünya çempionatına Bəhreynə qarşı 1:1 hesablı heç-heçə ilə başlayıb.
İdman.biz
